Актывістку будуць судзіць за плякат «Беларуская армія — сэрыйны забойца»

13.11.2017
Алена Луцковіч падчас акцыі, фота Радыё Свабода
Алена Луцковіч падчас акцыі, фота Радыё Свабода

Праз тры тыдні пасьля менскага «​Маршу абураных беларусаў» 21 кастрычніка ўчастковы інспэктар Акцябрскага РАУС Гомельскай вобласьці Дзьмітры Крумгольц склаў супраць мясцовай актывісткі Аб’яднанай грамадзянскай партыі Алены Луцковіч пратакол паводле артыкулу 23.34 КаАП — удзел у мітынгу на плошчы Незалежнасьці ў сталіцы, які ня быў дазволены Менгарвыканкамам.

«Як сказана ў пратаколе, віна мая ў тым, што я „публічна трымала ў руках плякат з надпісам „Беларуская армія — сэрыйны забойца“ і такім чынам выказвала свае грамадзка-палітычныя погляды“. Бачыце, выказваць свае погляды — гэта ўжо ў нашай краіне правапарушэньне, быццам бы й няма ў нас Канстытуцыі, якая акурат і гарантуе свабоднае выяўленьне сваіх поглядаў», — зьдзіўляецца Алена Луцковіч.

Актывістка зьвяртае ўвагу, што над складаньнем пратаколу працавалі, мінімум тры міліцэйскія структуры — Менскае і Гомельскае ўпраўленьні ўнутраных спраў, а таксама Акцябрскі РАУС. У Менску праглядалі відэастужкі й здымкі, рабілі скрыншоты, запытвалі адпаведныя матэрыялы ў падразьдзяленьні грамадзянства й міграцыі, каб ідэнтыфікаваць жанчыну з плякатам, пісалі рапарты ды перасылалі ў Гомель, а адтуль ужо з адпаведнымі паперамі й рэзалюцыямі справу пераадрасавалі ў райцэнтар Акцябрскі (былая Рудобелка).

«Марш» у Менску адбыўся 21 кастрычніка — у хуткім часе пасьля таго, як у вайсковай частцы ў Печах пад Барысавам быў знойдзены павешаным малады салдат Аляксандар Коржыч. Алена Луцковіч патлумачыла Свабодзе, чаму трымае такі плякат: «Я проста жахаюся ад таго, што майму сыну давядзецца служыць у такім войску».

Дата разгляду адміністрацыйнай справы Алены Луцковіч у судзе Акцябрскага раёну пакуль ня вызначана.

13 лістапад 2017, 11:30

Выданні

Праваабарончы весьнік

Стратегическая тяжба

Падтрымаем вязьняў!

palitviazni.info

Агляд-хроніка парушэньняў правоў чалавека ў Беларусі

Произвольные превентивные задержания активистов в Беларуси

Повсеместные нарушения трудовых прав и принудительный труд в Беларуси

Партнёры